Avdelingssjef ved Akuttmedisinsk Avdeling Kirurgisk serviceklinikk. Haukeland universitetssjukehus HF

INFORMASJON

Tjeneste

Avdelingssjef ved Akuttmedisinsk Avdeling

­

Arbeidsgiver

Helse Bergen HF

­

Sted

Bergen­

Søknadsfrist

30.03.25

SØK PÅ STILLINGEN HER!

Vi søkjer ein avdelingssjef som er opptatt av leiarskap, som vil fortsette arbeidet med å vidareutvikle våre prehospitale tenester og som bruker sitt leiarskap til å vere ei drivkraft for denne utviklinga.

 Kirurgisk serviceklinikk (KSK) er ein av dei største klinikkane ved sjukehuset og Akuttmedisinsk avdeling (AMA) er ei av sju avdelingar i KSK. KSK har ansvar for å ta hand om store delar av tilbodet innan operasjon, anestesi, intensivbehandling og akuttmedisin på sjukehuset. Det er aktiv forsking og utvikling på mange fagområde i KSK og ved AMA. Vår avdelingssjef i AMA har gått over i anna leiarstilling i Helse Vest, og vi søkjer derfor etter ny avdelingssjef for AMA.

Om Akuttmedisinsk avdeling - AMA

AMA har ansvaret for ambulansedrifta og naudmeldetenesta i føretaket. Vi dekkjer områda frå Austevoll i sør, Gulen i nord, til Eidfjord i aust og Sotra i vest. Ambulansedrifta omfattar bil-, båt- og luftambulanseteneste. AMK-sentralen er den største i regionen, og har også oppgåver som regional AMK-sentral og lurftambulansesentral. Det er vel 400 tilsette i AMA med eit budsjett på om lag 380 millionar kroner. Les meir om AMA her. 

Samhandling med kommunane i vårt opptaksområde blir stadig viktigare. Som leiar for AMA er du sentral i arbeidet med å oppretthalde og vidareutvikle dette samarbeidet.

Våren 2025 har vi ny Prehospital plan ute til høyring. Planen set viktige premiss for arbeidet framover og vi søkjer ein leiar som - saman med dei tilsette, kommunane og resten av føretaket - tek tak i moglegheitene som prehospital plan presenterer. 

Vi søkjer ein erfaren leiar som med sin veremåte bidrar til eit positivt og godt miljø for utvikling og teamarbeid. Du er ein engasjert og ansvarleg leiar som ønskjer å bidra til at AMA sine ressursar blir forvalta til det beste for pasientane våre, AMA og føretaket. 

Avdelingssjef rapporterer til klinikkdirektør og er med i leiargruppa i Kirurgisk serviceklinikk. Du vil og ha ei viktig rolle i sjukehuset sin beredskap.

Arbeidsoppgåver

• Sikre god og trygg drift for ambulanse og naudmeldetenesta, samt den medisinske delen av luftambulansetenesta i AMA sitt opptaksområde
• Fag, personal- og resultatansvar for avdelinga
• Ansvar for kompetansekartlegging, rett fagleg utvikling av dei tilsette og å leggje til rette for forsking
• Ansvar for god resursstyring, sikre fagleg forsvarlege tenester, pasienttryggleik og kvalitet i avdelinga
• Delta i regionale og nasjonale utval
• Deltaking i føretaket si beredskapsleiing
• Medansvar for mål og handlingsplanar innanfor gjeldande rammer og strategiar
• Leggje til rette for god opplæring/kompetanse innan beredskap prehospitalt, i sjukehuset elles og til sentrale bidragsytarar

Kvalifikasjonar

• Helsefagleg bakgrunn på masternivå. Særs relevant erfaring kan kompensere for manglande utdanning
• Relevant leiarutdanning og/eller -erfaring
• Erfaring frå prehospitale tenester er ein fordel
• Det er ønskjeleg med erfaring frå forbetrings- og endringsarbeid, samt leiing og utvikling av team
• Erfaring frå partssamarbeid er ein fordel
• Det er ønskjeleg med erfaring frå samarbeid på tvers av yrkesgrupper, avdelingar og nivå i helsetenesta.
• Erfaring fra samhandling med kommunar og primærhelsetenesta er ønskjeleg
• Gode evner til saksførebuing og skriftleg framstillingsevne
• Erfaring frå mediehandtering vil vere ein fordel

Personlege eigenskapar

• Evne til å gjere andre gode, er engasjert og engasjerer andre
• Gode samarbeidsevner
• Har ein inkluderande leiarstil og ei involverande arbeidsform
• God i formidling
• Har god gjennomføringsevne 
• Er analytisk og strategisk
• Er fleksibel i forhold til oppgåver og strukturert i forhold til innhald
• Er resultatorientert og tek avgjersler til det beste for heile avdelinga
• Har fokus på å skape og å bidra til eit godt og lærande arbeidsmiljø

Vi tilbyr

• Varierte og utfordrande arbeidsoppgåver i eit aktivt og resultatorientert arbeidsmiljø
• Lønn etter avtale
• Fagleg og personleg utvikling
• Gode pensjons- og forsikringsvilkår

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.Vi ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.