Lege i spesialisering - hematologi, Kreftavdelinga

Avdeling for kreft, blodsjukdom og lindrande behandling (Kreftavdelinga) Førde sentralsjukehus, har ledig

• 100% fast stilling for lege i spesialisering i hematologi f.o.m 01.08.2023

Kreftavdelinga har ansvar for medikamentell kreftretta behandling for innbyggjarane i tidlegare Sogn og Fjordane, og består av 13 senger og poliklinikk. Avdelinga har pasientar innen fagområda onkologi, hematologi og palliasjon. 

Avdelinga er godkjent for spesialistutdanning innan hematologi gruppe 2-teneste. For fullstendige utdanningsløp, har ein avtale internt for gruppe 2-teneste og eksternt for gruppe 1-teneste.

Det er ei gradvis utvikling mot sjølvstendig funksjon innan definert fagområde.

Avdelinga har fem LIS-stillingar herav to innan hematologi. LIS inngår i femdelt vaktplan: kl. 16:00 - 19:00 mandag til fredag og kl. 09:00 - 14:00 helg og helligdagar.

Arbeidsoppgåver

• Klinisk og administrativt arbeid ved sengepost og poliklinikk, t.d. innlegging/utskriving, konsultasjonar, bestilling og oppfølging av medikamentell kreftretta behandling, tilsyn og tilvisingar.
• Utgreiing og behandling av pasientar med hematologisk sjukdom, inkludert lymfom på poliklinikk og sengepost.
• Implementering og oppfølging av kliniske studiar.

Kvalifikasjonar

• Norsk autorisasjon som lege
• Gjennomført LIS2 indremedisin
• Må meistre norsk skriftleg og munnleg for god pasientsikkerheit
• God evne til kommunikasjon

Personlege eigenskapar

• Du har motivasjon og interesse for fagfeltet
• Du bidrar positivt til eit fagleg og kollegialt godt arbeidsmiljø
• Du har god fagleg vurderingsevne, arbeider målretta og strukturert
• Du kommuniserer og samarbeider godt med pasientar, pårørande og kollegaer

Vi tilbyr

• Høg fagleg standard
• Ein spennande og krevjande jobb i eit fagleg utviklande miljø
• Er du engasjert og ønskjer ein god fagleg utvikling kan vi tilby rettleiing med høg fagleg kompetanse
• Tilsettingsvilkår etter gjeldande retningslinjer, og løn i samsvar med gjeldande lov- og avtaleverk
• Gode pensjons- og forsikringsordningar
• Stillingar: 1
•  Heiltid / Deltid: Heiltid
• Tilsetjingsform: Fast
• Stillingsprosent: 100
• Startdato: 01.08.2023
  

 Webcruiter-ID: 4672623401

Mangfaldserklæring 

Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 000 tilsette og eit budsjett på over 3,2 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset.

Helseføretaket er eigd av det statlege Helse Vest RHF. Helse Vest skal så langt som råd avspegle mangfaldet i befolkninga. Vi ønskjer å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.