LIS 3, 100% fast stilling ReHabiliteringsklinikken/ Avdeling for fysikalsk medisin og rehabilitering, Helse Bergen HF
Ansettelsesform: Fast
Ved Avdeling fysikalsk medisin og rehabilitering har vi ledig 100% fast stilling som LIS 3 på Nordås.
Vil du vere med å gjere ein forskjell for pasientar som treng rehabilitering etter skade eller sjukdom?
Vi tilbyr ein spennande arbeidsplass, med engasjerte og kompetente medarbeidarar, som vil ha deg med for å bidra til utvikling av gode tenester. Du får eit variert arbeidsområde med faglege utfordringar.
ReHabiliteringsklinikken greier ut og behandlar menneske med medfødde og erverva skadar, slik at dei kan oppleve meistring, livskvalitet og eit forbetra funksjonsnivå i kvardagen. Her samarbeider mange helseprofesjonar. Vi arbeider tverrfagleg med komplekse medisinske problemstillingar.
Klinikken består av Avdeling for fysikalsk medisin og rehabilitering (AFMR), Habiliteringstenesta for vaksne (HAVO) og Regionalt kompetansesenter for habilitering og rehabilitering. Klinikken gir spesialiserte tilbod og tenester til mennesker med komplekse og samansette behov for utgreiing, vurdering og rehabilitering/habilitering i sjukehus. Tilbodet omfattar døgnbehandling, dagbehandling og poliklinikk. Vi har fleire regionale funksjonar og ein nasjonal funksjon, og er tyngdepunktet for spesialisert habilitering og rehabilitering for vaksne i Helse Vest. Vi samarbeider tett med ulike einingar i spesialisthelstenesta inkludert psykisk helsevern, og førstelinjetenesta.
Avdeling for fysikalsk medisin og rehabilitering gir tilbod til pasientar med erverva hjerneskade, multitraume, nevrologiske lidingar og skadar, kreft, brannskade, amputasjonar, funksjonelle nevrologiske lidingar, CFS/ME, muskel- og skjelettplager/-smerter m.a. Vi har for tida 14 legar, inkludert LIS.
Klinikken er i ein spennande utviklingsfase med mange pågåande og planlagde utviklings- og endringsprosessar, m.a. knytta til nybygg og samlokalisering på Nordås om nokre år.
Arbeidsoppgåver
- Utgreiing, diagnostisering og behandling på sengepost og i poliklinikk
- Vurdering av tiltak vidare og dialog med/tilvising til andre instansar
- Råd og rettleiing til pasientar, pårørande og samarbeidspartar
- Samarbeid i tverrfagleg team
- Særfagleg og tverrfagleg fagutvikling
- Kurs, undervising og pasientopplæring
- LIS deltek i praktisk undervising av medisinarstudentar
- Inngå i vaktordning
Kvalifikasjonar
- Norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggjast til grunn for tilsetjing i LIS stilling i fysikalsk medisin og rehabilitering
- Motivasjon og interesse for tverrfagleg medisinsk rehabilitering
- Erfaring med målgruppene frå rehabiliteringseining i spesialisthelsetenesta er ein fordel
- Kommuniserer og samarbeider godt med pasientar, pårørande og kollegaer
- Erfaring med og gode evner i forhold til tverrfagleg teamarbeid
- God kommunikasjon på norsk, både skriftleg og munnleg
Personlege eigenskapar
- Gode relasjonelle ferdigheiter og samarbeidsevner
- Evne til målretta arbeid
- Vilje og evne til nytenking
- Ønsker å vidareutvikle kompetansen sin og bidra i fagutvikling og forsking
- Klarer å planlegge og gjennomføre langsiktig tiltak og endringar
- Takler travle og akutte situasjonar
- Trivast i eit tverrfagleg miljø
- Bidrar til eit godt arbeidsmiljø
- Arbeider godt både sjølvstendig og i team
- Personleg egnethet vil bli vektlagt
Vi tilbyr
- Eit spennade tverrfagleg arbeidsmiljø, høg kvalitet og fokus på kontinuerleg forbetring
- Veiledning, supervisjon og fagleg kompetanseutvikling i tråd med spesialiseringsløpet
- Lønn i samsvar med gjeldande overeinskomst
- Gode pensjons- og forsikringsordningar
- Ein arbeidsplass som er ein inkluderande arbeidsliv-bedrift (IA-bedrift)
Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.
Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.