LIS onkologi og LIS hematologi, Kreftavdelinga, Helse Førde

Kreftavdelinga ved Helse Førde har følgjande stillingar ledig:

• 1 x 100% fast stilling for lege i spesialisering hematologi
• 1 x 100% vikariat for lege i spesialisering onkologi fom 01.03.2024 tom 28.02.2026

På stillingane kan også LIS1-ventarar søkje som vikar.

Kreftavdelinga har ansvar for medikamentell kreftretta behandling for innbyggjarane i tidlegare Sogn og fjordane (ca 110 000 innbyggjarar) Avdelinga består av sengepost med 13 senger og poliklinikk. Avdelinga har pasientar innan fagområda onkologi, hematologi og palliasjon

Avdelinga er godkjent for spesialistutdanning innan onkologi og hematologi, gruppe 2-teneste, og for kompetanseområdet palliasjon. For fullstendige utdanningsløp, har ein avtale internt for gruppe 2-teneste og eksternt for gruppe 1-teneste (HUS).

Det er ei gradvis utvikling mot sjølvstendig funksjon innan definert fagområde. Avdelinga har 7 overlegar, fire LIS-stillingar herav to innan onkologi, to innan hematologi og ei utdanningsstilling innen palliasjon.

LIS inngår i femdelt vaktplan kl. 16:00 - 19:00 mandag til fredag og kl. 09:00 - 14:00 helg og helligdagar.

Arbeidsoppgåver

• Oppgåvene vil bestå i drift av sengepost og poliklinikk saman med overlege
• Behandling og oppfølging av pasientar med kreftsjukdom og deira pårørande
• Deltaking i undervisning, fagleg utviklingsarbeid og tenesteutvikling

Kvalifikasjonar

• Må kunne framlegge norsk autorisasjon
• Beherske norsk godt, både munnleg og skriftleg då dette er avgjerande for trygg og god pasientbehandling

Personlege eigenskapar

• Kompetanse, erfaring og eignaheit vert vektlagt
• Vi vil gjerne ha ein medarbeidar som har høg arbeidskapasitet, er fleksibel og har gode evner til samarbeid og kommunikasjon
• Er imøtekommande og behandlar pasientar og pårørande profesjonelt og empatisk
• Vilje til å bidra positivt til et fagleg og godt kollegialt miljø

Vi tilbyr

• Ei avdeling med spennande og utfordrande fagmiljø
• Kreftavdelinga har mål om høg fagleg kvalitet og godt arbeidsmiljø med gode moglegheiter for fagleg og personleg utvikling
• Løn i samsvar med gjeldande overeinskomst
• Gode pensjons- og forsikringsordningar.
• Rekrutteringstillegg for LIS3
• Stillingar: 2
• Heiltid / Deltid: Heiltid
• Tilsetjingsform: Vikariat, Fast
• Stillingsprosent: 100

Webcruiter-ID: 4745860049

Mangfaldserklæring 

Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 000 tilsette og eit budsjett på over 3,2 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset.

Helseføretaket er eigd av det statlege Helse Vest RHF. Helse Vest skal så langt som råd avspegle mangfaldet i befolkninga. Vi ønskjer å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.