Spesialist i fysikalsk medisin og rehabilitering

INFORMASJON

Tjeneste

Spesialist i fysikalsk medisin og rehabilitering­

Arbeidsgiver

Røde Kors Haugland Rehabiliteringssenter AS

­

Sted

Flekke i Fjaler kommune

­

Søknadsfrist

15.01.26

SØK PÅ STILLINGEN HER!

– Bli del av eit sterkt fagmiljø midt i vakker vestlandsnatur

 Vil du bruke kompetansen din til å skape varig endring i menneske sine liv- og samstundes jobbe i eit fagmiljø med høg kvalitet, heilskapleg tilnærming og naturen rett utanfor døra?

Røde Kors Haugland Rehabiliteringssenter søkjer ein engasjert spesialist i fysikalsk medisin og rehabilitering til 100% fast stilling. Hos oss møter du eit miljø som ser mennesket bak diagnosen, og som har meistring, ressursar og tverrfagleg samarbeid som grunnpliarar.

Kvifor velje oss?

Eit fagmiljø med ressursfokus

Vi er overtydde om at alle pasientar har ressursar som kan byggjast vidare på. Du blir ein sentral fagperson i eit miljø med høg kompetanse innan fysisk medisin med fokus på tilpassa fysisk aktivitet, endringsprosessar og livsmeistring.

Sterkt tverrfagleg samarbeid

Du samarbeider tett med andre legespesialistar, sjukepleiarar, fysioterapeutar, sosionomar, klinisk ernæringsfysiolog, idrettspedagogar, logoped og miljøterapeutar. Saman skaper de målretta og heilskaplege pasientforløp.

Gode moglegheiter for fagleg utvikling

 Vi har etablert samarbeide med både Førde sentralsjukehus og AFMR ved Helse Bergen. Våre legar deltek jamleg på internundervisning med andre eksterne fagmljø, og vi har ei eiga forskningsavdeling med moglegheit for prosjektarbeid. Du får gode høve for kurs, vidareutdanning og hospitering.

Arbeidstid som gir rom for livet

Hos oss får du ei familievennleg arbeidstid (08-15.30) utan vakt- og helgeordning- utan at det går på kostnad av det faglege innhaldet i jobben.

Arbeidsoppgåver

          - Klinisk arbeid i eit tverrfagleg rehabiliteringsteam                                                                                  - Medisinske vurderingar, oppfølging og journalføring                                                                              - Undervisning og rettleiing internt                                                                                                                  - Bidrag til fagutvikling og moglegheit for forskningsaktivitet                                                                - Deltaking i innendørs og utandørs aktivitetar saman med pasientar

Kvalifikasjonar

          - Godkjent spesialist i fysikalsk medisin og rehabilitering                                                                        - Erfaring frå tverrfagleg arbeid                                                                                                                        - Erfaring med eller interesse for arbeidsretta rehabilitering, kreftrehabilitering                              eller nevrologisk rehabilitering er eit pluss                                                                                                  - Norskferdigheiter på minimum C1                                                                                                                - Gode digitale ferdigheiter

Personlege eigenskapar

           - Evne til å arbeide sjølvstendig og i team                                                                                                       - Samarbeidsorientert og fagleg engasjert                                                                                                     - Motiverande og ressursorientert tilnærming

Vi tilbyr

           - Familievennleg arbeidstid utan vakt og helg                                                                                               - Sterkt fagmiljø og solid internundervisning                                                                                               - Kurs, videreutdanning, hospitering og forskingsmoglegheiter                                                             - Gode lønns- og pensjonsvilkår                                                                                                                         - Hjelp til bustad og gode velferdsordningar                                                                                                 - Ein meningsfull jobb i naturskjønne omgjevnader med gode moglegheiter for friluftsliv

Oppstart: 01.05.2026 eller etter avtale

Heimeside: https://www.rkhr.no/karriere/

Røde Kors Haugland Rehabiliteringssenter er ein ideell organisasjon som har driftsavtale med Helse Vest RHF. Vi har inlag 63 årsverk, av desse er 3,0 legestillingar. Det kjem årleg kring 1000 pasientar til behandling individuelt eller på gruppe, fordelt på ni ulike ytingar; kreft, nevrologiske og nevromuskulære sjukdomar, hjerneslag og erverva hjerneskade, sanseforstyrringar, samansatte og komplekse tilstander, sjukeleg overvekt, kroniske muskel- og bløtdelssmerter og arbeidsretta behanding. I tillegg har vi gruppetilbod for barn og unge innen ytinga tilpassa fysisk aktivitet, familie og utdanning.

Institusjonen har gode fasilitetar for varierte aktivitetar både inne og ute. Vi ligg ved fjorden, omkransa av fjell og flott natur. Det er mange turløyper for personar med ulike funksjonsnivå i området, som er ideelt som utgangspunkt for både aktivitet og avkopling.

Vi ligg i Flekke i Fjaler kommune, ein tettstad med nærheit til barnehage, skule, samt videregåande skule. Det tek ca. 45 minutt med bil til næraste flyplass og du kan vere i Oslo etter 1 time i fly. Om du ønsker å køyre til Bergen, tek dette om lag 3 timar. Helgependling er mogleg.